Azərbaycan Respublikası Prezidentinin İşlər İdarəsinin Prezident Kitabxanasının “Prezident, dövlət idarəçiliyi və ölkəşünaslığa dair ədəbiyyatın biblioqrafiyası şöbəsi”nin müdiri, tarix üzrə fəlsəfə doktoru Nazim Mustafa 14 yanvar 2016-cı ildə Binəqədi Rayon İcra Hakimiyyəti başçısı Aparatında “20 Yanvar: Tariximizin qanla yazılan şanlı səhifəsi” mövzusunda məruzə etmişdir.
Nazim Mustafa 1990-cı ilin yanvar ayının 19-dan 20-nə keçən gecə Bakıda baş verən hadisəni Azərbaycanın ərazi bütövlüyünə qarşı yönəlmiş təcavüzə etiraz edən, haqq-ədalətin bərqərar olunmasını istəyən, azadlıq, müstəqillik uğrunda mübarizə aparan xalqımızın iradəsini qırmaq məqsədilə totalitar sovet rejiminin həyata keçirdiyi terror aktı, insanlığa qarşı törədilmiş qanlı cinayətlərdən biri kimi xarakterizə etmişdir.